千賀水產 (Closed)

今日同屋企人的約會，媽媽話想食放題，但又唔食得太多生野，所以就選了呢間主要係燒海鮮類的放題，對我們來說，是新的體驗。一坐下，就送上一個貴價的海鮮拼盤，有鮑魚，象拔蚌，蝦，帶子。蝦超新鮮，送來的時候還在活躍地掙扎，燒完好好味，調味類不需要多，好彈牙。店員細心的服務，幫我們燒，還要去殻，再送到我們的碟上，媽媽都讚。刺身的選擇都不算少，我們極愛的甜蝦都好新鮮。炙燒的壽司都充滿驚喜，蒜蓉火炙三文魚，蒜蓉味好夾，正，豉油都唔冼落。芝士燒蠔都是不停叫的一項，蠔新鮮，芝士不會過漏。炸物同串燒都有水準，芝麻雞翼，皮脆肉嫩，夠味，沒有雪藏味。媽媽之愛榴連炸彈，我愛紫芋圓，蕃薯包住芋頭，味道不會過甜，一口氣食了幾粒。海膽蟹膏海鮮粥都係令我驚喜，平日不喜歡吃粥的我，這個粥味道鮮甜，看得見的蟹膏，非常足料，我第一次清掉全部粥。飲品方面有令我意外的apple cider，誠意呀！還有一個貼心的熱飲櫃，雖然選擇不及凍櫃的飲品多，但都算係一個貼心的位置。臨走時，童心未泯，去了夾糖區，夾了一包糖果先走。