Video
Read full review
2016-07-07
15557 views
六月頭老爺生日，我地同佢去左BBQ7080亞士厘道個間，我地諗住同老爺做生日，費事食放題啦，因為驚放題啲料會差啲（真係小人之心）結果五個大人食左16xx。六月尾我同家姐細佬帶阿仔去愉城玩，佢地話想食燒肉，諗起BBQ7080有做放題，咁不如去試下啦，食完即刻覺得月頭老爺個餐飯無揀放題實在蠢到一個點，放題既質素完全同自己叫既一樣，款又多又任飲任食，價錢仲平一截我地個晚四大人一bb，都係8xx咋，飽到不得了，而且係荃灣呢間有軍隊主題既，生日仲有職員唱晒軍人式生日歌送蛋糕，個種震憾真係唔關事既外人都開心埋一份，好後悔月頭無揀呢到呀希望BBQ7080會繼續做放題又keep住呢個水準，遲啲媽咪生日同佢黎實開心死（有人突然唱生日歌呢啲真係好buy架，仲要軍人式個隻，真係唔係現場唔會明有幾震撼）講返放題當晚既質素先，其實我一向都鍾情7080啲已調味既肉，佢用梨醃得好好食，去過其他韓式燒肉店都覺得唔夠呢到好味）當晚老公同細佬兩位男士都係食得之人，老公牛魔皇，細佬就主攻羊架，我同家姐樣樣都食，阿仔就最愛呢到既炒粉絲，次次都乖乖食好多。我要忙於照顧阿仔，啲肉既相都影得唔多添肉類方面，我地差唔多樣樣都有叫咁滯
六月尾我同家姐細佬帶阿仔去愉城玩，佢地話想食燒肉，諗起BBQ7080有做放題，咁不如去試下啦，食完即刻覺得月頭老爺個餐飯無揀放題實在蠢到一個點，放題既質素完全同自己叫既一樣，款又多又任飲任食，價錢仲平一截我地個晚四大人一bb，都係8xx咋，飽到不得了，
而且係荃灣呢間有軍隊主題既，生日仲有職員唱晒軍人式生日歌送蛋糕，個種震憾真係唔關事既外人都開心埋一份，好後悔月頭無揀呢到呀希望BBQ7080會繼續做放題又keep住呢個水準，遲啲媽咪生日同佢黎實開心死（有人突然唱生日歌呢啲真係好buy架，仲要軍人式個隻，真係唔係現場唔會明有幾震撼）講返放題當晚既質素先，其實我一向都鍾情7080啲已調味既肉，佢用梨醃得好好食，去過其他韓式燒肉店都覺得唔夠呢到好味）
當晚老公同細佬兩位男士都係食得之人，老公牛魔皇，細佬就主攻羊架，我同家姐樣樣都食，阿仔就最愛呢到既炒粉絲，次次都乖乖食好多。
我要忙於照顧阿仔，啲肉既相都影得唔多添
肉類方面，我地差唔多樣樣都有叫咁滯，樣樣都唔錯，其中豬腩肉、羊架、牛仔骨、牛舌、豬皮、雞柳我覺得都係食完可以再添架，五花腩，羊架，牛仔骨、牛排骨全都肥瘦均勻，
燒肉最忌太瘦，好易鞋嘛，而且全都肉汁非常充足，牛舌本身特別喜好，如可以厚返少少會更好，豬皮今次燒得軟綿綿，感覺好得意，有別於之前食過「un un」既口感，
雞柳燒後甜甜地，就算唔蘸醬汁都一樣好味。
燒鳳爪口感好得意，我好鍾意，但家姐覺得怪怪地食物喜好呢回事好主觀既
我平時好鍾意食海鮮，但燒海鮮硬係覺得唔太好食，唔關質素時，純粹係自己唔太鍾意燒海鮮罷，不過其實呢到既蝦都好大隻。
任飲方面我最鍾意無他既錫蘭紅茶，有氣個隻無咁好飲，呢到都有可樂，而且仲係好新既貨添，已經係最近廣告賣既月份同日期個隻款喇。
熟食方面，韓式炒粉絲點完又再點就知有幾好味啦，歲半既仔仔自己逐條食都不知幾滋味，石鍋雜錦飯好味，但可能我地落得太多韓式辣醬喇，食兩啖我已經食唔到，
煎餃香脆，韓式年糕甜甜辣辣都唔錯，煎餅我就覺得唔太好食，不過我最鍾意都係炒粉絲，而且燒肉放題都係主攻肉，熟食輕嘗就算明顯我地都係食肉獸啦，我問叫唔叫菜佢地都無反應，可能唔會比啲菜霸左個胃啲位啦
整體黎講，真係估唔到放題啲肉質素會咁高，完全同我平時單點一樣，所以一日仲有放題，我係唔會再單點咁蠢架喇荃灣呢間個場又大啲，我覺得好坐過亞士厘到個間好多，唯一係搭電梯要排比較耐隊。特別一讚係BBQ7080係難得一間有bb櫈既燒肉店，對於有小朋友既家長實在係太太太好，我食過好多其他燒肉店都無bb櫈提供，最多得卡位，呢點實在要高度讚揚BBQ7080。
同埋呢到有個幾有型既oppa呢
Post
