日悅極尚日式放題 (Closed)

細姪仔成年已半年了，七一一放榜見成績比預期理想，即要求小肥舅父請食放題慶祝一番，仲雀躍到喺佢心儀o既「日悅極尚日式放題」訂定位。由尖沙咀地鐵站P1出口步行往餐廳其實只需五分鐘左右，路經商場停車場門口先發現原來店子仲有代客泊車服務。兩口子六點前已抵達，嘻嘻，剛好趕得上$258時段，即每人慳多$20！喺門口等位時已經留意到七點三將會有珍寶帶子刺身限量供應，姐姐就解釋話到時會有人響鈴公告。飯前上網睇過啲食評，所以知道餐廳有個寬廣o既兒童天地及休憩空間，唔怪得知咁多顧客都係一家大細黎幫襯。「日悅」比港島區o既放題店環境開揚通爽，用餐區空間感足，唔會迫埋一齊，厚墊椅櫈都幾好坐。二人枱上餐具紙巾齊備，最重要就係早已擺放咗兩本厚厚o既點菜天書。有哂計劃o既小肥一早就撕定自己要嗰幾頁慢慢填，食到咁上吓就續張俾服務生。填好第一張刺身紙後，細佬即四周視察自助美食同飲品。樽裝及罐裝凍飲包括汽水、果汁及視帝祥都飲o既森堡啤可於用餐區最左及最右方o既四個雪櫃內搵到。溫室飲料及咖啡機就喺右方o既兩個雪櫃附近。最中間位置則提供清酒、梅酒、菜蜜及開水等。兩舅甥就主攻第一次喺放題見到o既百威生啤機，自己斟都不知幾好玩！