極尚大喜屋 (加連威老道) (Closed)

市面上有咁多間放題選擇，要令人一去再去，食物質素方面真係要好好先會令人再次幫襯～ 尖沙咀既極尚大喜屋就能夠令我一去再去！平日既夜晚都full, 最好預先打黎book 位先， 如果唔係空歡喜一場等緊入場個陣已經好想食芝麻雞翼...！食物方面都有好多好多既選擇，次次食極尚都令到我眼花撩亂，唔知落咩先好，不過第一樣其實都一定係寫左刺身先！因為食放題就係為左要無限食新鮮鮮味既刺身！三文魚係我最愛仲有蝦等等有唔同類型既火炙壽司～左口魚好肥美.......仲有小食，最中意食枝豆～而呢度d泰式鳳爪我次次都會叫～因為好好好好好入味！鹽燒海蝦....又係食到令人停唔到口... d蝦好彈牙，食得出係好新鮮牛油粟米又係次次都會食，好中意成啖不入口既感覺！登登登登！期待已久既芝麻雞翼！上枱熱辣辣... 好正呀！仲有個貓山皇波波！榴連香味好重， 不過食唔到多，因為都好漏仲有哈根大師做最美好既終結～捧住個肚腩走哈哈！差d唔記得講，店員既服務都好貼心～係咁換骨盤同上食物！