御．八幡屋日本料理 (Closed)

身為拉叔，周不時都要請侄仔侄女食飯，無問題，但旺角區要搵一家足夠一班蝗蟲又唔失禮真是考起我，幸好最後找到御．八幡屋。現在放題都有御品，刺身可以加$50升級，花多$40又可以增加磯燒海鮮，今晚我們全部都要，即是每位$288再加一，淨看價錢不知道是否抵食，吃過就知道物有所值。最得的是刺身，賣相大大增分，拼盤下層放乾冰保溫，上面插了支花裝飾。絕對新鮮，最欣賞三款蝦，虎蝦刺身，手掌長度，肉厚味甜，有頭甜蝦名符其實的甜，升級版裡頭的赤蝦是泰式生蝦個款，所以配埋一碟泰式辣汁。留意一款黑松露油甘魚壽司，充滿松露油香。依照廚師推介點就無錯，日式蒸蛋極滑，生蠔新鮮，火炙柚子和牛刺身特別，椒鹽炸蟹仔似炸軟殻蟹肥美，三款櫻之花、紅之花、白之花做到似足朵花，當中加入沙律醬調味新式口味。值得加$50升級，多食幾隻生蠔已經回本，我們有人個肚超敏感都無肚痛，證明新鮮乾淨。磯燒海鮮只有兩張點心紙已經很多嘢食。最巴閉是虎蝦，真正老虎咁大，北海燒蟹蓋好鮮味，其他的，帶子蟶子青口蜆蠔等海鮮全齊備，仲有粟米金菇青椒等，當中紫薯及菠蘿超甜。甜品方面，我最喜歡榴櫣大福，用新鮮榴櫣肉做，第二是韓式雪條，幼滑少甜。地方寛敞，放題款式