千賀水產 (Closed)

今日俾我發現呢間千賀水產嘅lunch好抵食，佢食物同晚上一樣，但價錢最少平100。佢同一般放題一樣，有刺身、壽司🍣、燒物、炸物等等。最特別嘅地方係佢有磯燒海鮮。而且全部海鮮都好新鮮，特別是蝦仲係郁緊嘅。另外，餐廳好貼心，有張卡紙教每樣海鮮燒幾耐，但我初初睇唔到，燒到燶哂，所以侍應都有出手幫我。😂一般人都會食好多刺身，務求回本。但呢間放題既燒物和炸物都好食。最好味係燒雞翼，我見好多人都有點。牛舌都ok，厚薄適中唔太韌。佢仲有沙律吧，但其他野好味又即製，所以唔太吸引。另外甜品櫃既甜品較普通，反而雪糕櫃既款式多，較吸引人。