三木日本料理 (Closed)

今日這間放題，因預早已BOOK早場即6點至8點半，唔洗等就可以直接入座。刺身先做頭盤，甜蝦及三文魚都新鮮甜美，而白烏貝好爽口。油甘魚不太新鮮，所以只吃了少許。我鐘意食帆立貝，點這個孖寶給我品嚐，帆立貝鮮甜，牡丹蝦新鮮美味。雖然這個孖寶不包括在放題內需要另加$38，但新鮮及鮮甜程度值回票價。牛舌夠淋及有肉汁，不會有很乾的感覺。牛柳粒蒜香味重好惹味但好偏咸。串燒雞軟骨好味爽脆送啤酒一流。餃子皮比較乾，有咬不開的感覺。牛舌味度夠有肉汁唔乾身。枝豆不過不失之作。牛肉鍋湯底夠甜加上金菇及菜可以消一消油膩。燒菠蘿及日本番薯，燒菠蘿夠鮮甜可以增加胃口，我可以再品嚐其他食物。放題我比較喜歡叫一個蟹粥及烏冬做結尾，蟹粥夠綿夠清淡，不過唔見有蟹肉亦無蟹件，感覺似食什菜粥。番茄海鮮烏冬，個湯較淡番茄味輕。柚子雪笆，清甜令到口腔有好清新的感覺，做飯後甜品一流，呢個值得一讚。