Video
Read full review
2018-11-08
1004 views
大喜屋係我第一間食嘅放題，期後都回訪過無數次，因為身邊總有幾個鐘意食放題嘅朋友，生日聚會肯定會提出大喜屋。放題同自助餐一樣，一分鐘一分貨，太平價嘅我地都冇眼睇，太貴嘅又覺得唔抵食，人心態係咁架啦，於是大喜屋呢種中價放題，喺我地心目中值好高分，佢地而家做緊優惠，星期一至三原價$238，730pm前埋單或者915pm入座有85折，有兩個鐘食，連埋原價加一都係二百零蚊位，以大喜屋嘅質素黎講，真係性價高未夠鐘就已經要喺樓下排隊等lift，座位真係有心理準備會有少少逼，除非人多，或者咁好彩，坐到大枱啦。慶幸佢地真係好有效率，喺樓下排隊時已經有職員安排座位，一上可以即刻落單等食！一般放題嘅選擇都有齊哂，特別鐘意呢度啲野夠新鮮，不論係刺身、壽司、熟食、料理都好，so far都係高質。刺身有三文魚、油甘魚、池魚三、劍魚腩、希靈魚、象拔蚌、北寄貝、赤貝、八爪魚、北海道帶子、鮑片、甜蝦、虎蝦、松葉蟹腳，款式非常多，當晚點左蟹腳就冇上，可能賣哂啦。點左三文魚、油甘魚、池魚王、赤貝、八爪魚、帶子、甜蝦、象拔蚌，整體質素唔錯，亦都有按足份量上菜，寫幾多黎幾多刺身無雪味，樣樣都食到本身刺身原味，唔似啲平價放題，得
未夠鐘就已經要喺樓下排隊等lift，座位真係有心理準備會有少少逼，除非人多，或者咁好彩，坐到大枱啦。慶幸佢地真係好有效率，喺樓下排隊時已經有職員安排座位，一上可以即刻落單等食！一般放題嘅選擇都有齊哂，特別鐘意呢度啲野夠新鮮，不論係刺身、壽司、熟食、料理都好，so far都係高質。
刺身有三文魚、油甘魚、池魚三、劍魚腩、希靈魚、象拔蚌、北寄貝、赤貝、八爪魚、北海道帶子、鮑片、甜蝦、虎蝦、松葉蟹腳，款式非常多，當晚點左蟹腳就冇上，可能賣哂啦。點左三文魚、油甘魚、池魚王、赤貝、八爪魚、帶子、甜蝦、象拔蚌，整體質素唔錯，亦都有按足份量上菜，寫幾多黎幾多刺身無雪味，樣樣都食到本身刺身原味，唔似啲平價放題，得陣雪味，值得一讚
可能有部人食放題就比較少點壽司，不過我就好鐘意，係啊要湊米氣。點左三文魚腩壽司、黑松露雙色吞拿魚壽司、花之戀、蒲燒鰻魚、鹽燒左口魚、蜜糖芥茉蟹棒、炙燒芝士玉子同燒牛肉壽司，佢地嘅飯粒唔會太實，亦都唔會大舊到食幾舊就ko左，魚生都係大小適中就略嫌炙燒嘅款式燒得唔夠。軍艦都點左蟹籽、蔥吞拿魚蓉同三文魚親子軍艦，紫菜仲有少少脆。其實佢地仲有海膽手卷，見隔離枱點左唔會好多飯，不過我自己唔喜好，就無試喇。
一品料理大部份都啱口味同新鮮，我地食刺身壽司食得差唔多，就落定單食熟食，所以都唔會等左好耐，基本上全晚未停過。炒蜆有豉汁味，唔差喎；牛柳粒就老左少少，仲噍到嘅。另外，我同朋友都幾鐘意呢度嘅西京燒黃花魚，每次黎都食嘅，燒到幾香，有少少魚油，正
沖繩黑糖燒牛仔肉都唔錯，食左幾轉，牛肉有噍頭，幾入味。串燒方面有蝦、牛舌、蕃薯仔、雞翼、翠玉瓜、菠蘿，點左蝦，新鮮大隻，係爽彈嘅。牛舌都正，加左啲黑椒好香。雞翼唔夠熱，鹽燒幾好食，其實佢地嘅芝麻雞翼都正，唔怕熱氣嘅話。
天婦羅值得一讚，雖然最遲先上枱，即炸架，唔厚粉，香脆，應該點多幾轉先啱
蟹粥
最後唔少得雪糕啦，呢度每人選一杯，有haagendazs、movenpick同milktop。飲品方面選擇就唔算多，有可樂、解茶、菊花茶、韓國檸七、鮮奶等等，不過就有D特飲，例如果汁，仲有清酒添。
Post
