真味鮮廚 (Closed)

呢幾日好凍，最適合打邊爐，一開始見到餐牌就吸引左我地。一開始睇唔明餐牌，以爲要揀，點知原來全部都有！先食刺身，刺身分量會根據人頭數量提供，鮑魚鮮味十足係一道驚喜，三文魚，吞拿魚，帶子和蝦都好新鮮。之後再上鷄煲，鷄煲味道香濃鮮嫩，而且分量適中，所以食得都輕鬆。職員都好細心，見到我地食得差不多的時候，就幫我地上湯。今次我地揀左海鮮拼盤，龍蝦大大只，海鮮種類圖文相符，係另外一個大驚喜。至於牛肉方面，第一碟安格斯肥牛牛味十足，吃上口香鮮。整體而言，今次餐飯都幾滿足，估唔到可以有甘多新意。