蚊蚊豬老火鍋 (Closed)

今日同好朋友黎左呢間蚊蚊豬既新分店，佢同太子店唔同，多左每枱一碟海鮮拼盤同牛板腱，封門柳等牛肉任食，超抵呀！而且期間限定仲每枱送一鍋羊腩煲，岩晒寒冷既冬天，食完即刻暖粒粒!首先，當然要試下羊腩煲啦，佢唔單止有羊腩，仲有腐皮同埋冬菇，羊腩唔會好穌，而且好彈牙，炆得好香，仲有腐乳可以點，即刻特別惹味，冬菇好新鮮，份量都多，作為第一碟野食，感覺十分好。呢度仲會有刺身食，都有幾隻款揀，有最受歡迎既三文魚，魷魚，八爪魚，螺肉，唔會有雪味，感覺都好新鮮，而且切得厚身，值得食。餐廳環境好乾淨，俾人好舒服既感覺。飲品方面，都有唔少選擇，不論係汽水，啤酒，果汁定係茶都有，點都搵到自己既心水。出面仲有得自己揀火鍋配料，款式多，而且隨便拎，想食幾多都得。打邊爐當然唔少得食肥牛，呢個安格斯牛，很濃的牛肉味，很鮮嫩的感覺，而且份量很多，真心性價比高。樣樣都好好，服務態度都好好，下次一定會再黎。