Video
Read full review
2022-07-11
102 views
油麻地有一間可以一邊食放題一邊食燒烤嘅神燈主題特色店，今次第一次嚟食就試試佢地既Level 2。雖然佢地位於地面下層，但內裏裝潢乾淨企理，光線充足，亦有神燈主題嘅裝飾。Level 2會多咗安格斯美國牛肉任燒， 當中包括安格斯肉眼扒、美國雪花牛小扒、封門柳等等。牛肉基本上都唔錯，我最鍾意食佢嘅肉眼扒😋脂肪比例較少，基本上成塊都係肉，好啱我呢種食肉獸。牛肉切得厚度大少適中，唔會燒太耐，一口一塊十分滋味。Level 2級別仲有各類嘅水產可以任燒，例如芝士燒生蠔、蒲燒鰻魚、深海大虎蝦、雞泡魚乾等等。佢哋嘅鰻魚好大塊👍燒完之後大大嚿咁咬，滿口都係燒鰻魚汁，冇得彈。另外值得一提嘅就係雞泡魚乾，呢款喺其他放題店好少見到，佢哋就可以大大塊咁畀你燒，燒完之後外表係脆嘅，但亦都帶少少韌度，好有口感，帶有少量鹹味，好啱我口味😆除咗燒烤佢哋另一主打係放題， 刺身、卷物、壽司、熱款、甜品、酒類都係任飲任食。刺身同魚生類食物基本上都係新鮮嘅，鍾意食生食嘅朋友可以食多少少。小食同炸物類都十分出色😍個人首推椒鹽雞翼同明太子雞翼，雞肉嫩滑多汁，調味出色。甜品試左啫喱同朱古力蛋糕，啫喱係正常嘅杯裝啫喱，有幾款口味選擇。朱
Level 2會多咗安格斯美國牛肉任燒， 當中包括安格斯肉眼扒、美國雪花牛小扒、封門柳等等。牛肉基本上都唔錯，我最鍾意食佢嘅肉眼扒😋脂肪比例較少，基本上成塊都係肉，好啱我呢種食肉獸。牛肉切得厚度大少適中，唔會燒太耐，一口一塊十分滋味。
Level 2級別仲有各類嘅水產可以任燒，例如芝士燒生蠔、蒲燒鰻魚、深海大虎蝦、雞泡魚乾等等。佢哋嘅鰻魚好大塊👍燒完之後大大嚿咁咬，滿口都係燒鰻魚汁，冇得彈。另外值得一提嘅就係雞泡魚乾，呢款喺其他放題店好少見到，佢哋就可以大大塊咁畀你燒，燒完之後外表係脆嘅，但亦都帶少少韌度，好有口感，帶有少量鹹味，好啱我口味😆
除咗燒烤佢哋另一主打係放題， 刺身、卷物、壽司、熱款、甜品、酒類都係任飲任食。刺身同魚生類食物基本上都係新鮮嘅，鍾意食生食嘅朋友可以食多少少。小食同炸物類都十分出色😍個人首推椒鹽雞翼同明太子雞翼，雞肉嫩滑多汁，調味出色。
甜品試左啫喱同朱古力蛋糕，啫喱係正常嘅杯裝啫喱，有幾款口味選擇。朱古力蛋糕帶有少少咖啡味😮又幾好食，甜度啱啱好。
店內有多款飲品選擇，除左汽水都有酒類飲品。Level 2餐等級亦可以選擇特飲，我嗌咗杯綜合水果茶試下，味道少少甜，裏面有好多果肉，好啱我飲。
餐廳服務算唔錯，一開始會解釋畀你聽唔同級別既餐有咩分別，掃描QR code後點選落單後，上餐速度都好快，亦都好快幫你收拾空左既食物碟。
另外提一提，首次光臨成為會員會有88折優惠‼️
Post
