Video
Read full review
2013-12-08
7721 views
每月一次既生日會多數都係食放題，今次終於輪到滿屋喇! 一行12人訂左第一輪18:00，對我地黎講實在太早喇，所以下午茶都無食就等去食放題!通常食放題都係食刺身先，但係呢度並唔係，唔知係漏左我地既刺身order定係呢度興食熟野先，我地差唔多食哂熟野先黎刺身 ...宥得食戈陣已經開始飽飽地，好難得我地淨係食左1架船既刺身就再order喇 熟食味道好ok! 最鍾意食燒羊架，肉質好稔，燒得啱啱好，不過就大件左小小! 仲有燒雞翼、燒波蘿、燒牛舌、燒蕃薯仔，我地嗌左幾次燒蕃薯仔，但係次次都係燶既! 真係要改進一下... 刺身味道都ok既，不過唔知係咪已經食飽左，覺得無咩特別，都無咩雪味...因為我地事先講左係慶祝生日，所以送左一板海膽、一個擺得好靚既壽司刺身set同一枝好大枝既清酒! 好少放題會真係送一板海膽，雖然唔係d咩靚野，不過都幾甜架! 個壽司刺身set擺到好似盆栽咁，好靚，啱哂影相! 而枝清酒...我地無咩人鍾意飲清酒，所以比主角拎返屋企喇!食食下仲有特備節目! 師傅推左條好大既藍鰭吞拿魚出黎比人影相! 氣氛好好!食到8點鐘，侍應通知我地last order! 會唔會早左d 呢!? 有d遲
通常食放題都係食刺身先，但係呢度並唔係，唔知係漏左我地既刺身order定係呢度興食熟野先，我地差唔多食哂熟野先黎刺身 ...宥得食戈陣已經開始飽飽地，好難得我地淨係食左1架船既刺身就再order喇
熟食味道好ok! 最鍾意食燒羊架，肉質好稔，燒得啱啱好，不過就大件左小小! 仲有燒雞翼、燒波蘿、燒牛舌、燒蕃薯仔，我地嗌左幾次燒蕃薯仔，但係次次都係燶既! 真係要改進一下...
刺身味道都ok既，不過唔知係咪已經食飽左，覺得無咩特別，都無咩雪味...因為我地事先講左係慶祝生日，所以送左一板海膽、一個擺得好靚既壽司刺身set同一枝好大枝既清酒! 好少放題會真係送一板海膽，雖然唔係d咩靚野，不過都幾甜架! 個壽司刺身set擺到好似盆栽咁，好靚，啱哂影相! 而枝清酒...我地無咩人鍾意飲清酒，所以比主角拎返屋企喇!
食食下仲有特備節目! 師傅推左條好大既藍鰭吞拿魚出黎比人影相! 氣氛好好!食到8點鐘，侍應通知我地last order! 會唔會早左d 呢!? 有d遲左黎未食飽既朋友仔即刻寫紙再落order，咁我都順便睇下有咩甜品啦，有豆腐花、豆蓉餅!? 我叫左豆腐花，原來係百福豆腐花!
其實滿屋都唔錯，至少食物唔似其他放題好似食垃圾咁，我覺得仲好食過大喜屋! 不過成餐飯都好似好趕時間，野食黎得太快，d 侍應不斷走黎走去，不過服務係好好既，不斷換碟，又幫我地跟返齊d order!
我會再返黎架!
Other Info. :
走既時候侍應話架車立上落都一樣! 本來都唔明箇中既真諦，等緊戈陣就發現原來係太多人，所以見到架車立有位就好入喇!
(The above review is the personal opinion of a user which does not represent OpenRice's point of view.)
Post
