日悅極尚日式放題 (Closed)

朋友生日話想食放題，我當然識做，即刻上Openrice 揾左位於尖沙咀呢間日。悅極尚日式放題！去到半島中心2樓，初初以為搵錯地方，原來要經過一條長廊先到😅呢度地方都好大，入到去就見到好多甜品和前菜🤩一坐下當然要叫刺身食先啦，三文魚好肥美，仲有新鮮的帶子、甜蝦、象拔蚌、北寄貝等等。除咗刺身，仲有壽司、天婦羅、炸物、烏冬、海鮮粥等等，真係太多選擇😋甜品竟然有脆皮貓山王，超好味，好重榴槤味，足料！仲有Movenpick 同Haagen-dazs雪糕，簡直超值。飲品都好多元化，有茶、清酒、梅酒、汽水，最重要係有凍有吾凍👍今晚雖然係星期一，但係都好多人坐滿晒，真係好多人嚟食！