Mamaday (Closed)

餐廳到處見到抵食語錄，例如「Never Tell a Woman to Calm Down」，相信作為男朋友一定深深明白呢個道理，但亦會一錯再錯。所以餐牌會提醒你「The Worst is yet to come」。不過今次帶女友嚟呢間餐廳佢都好滿意，環境非常寫意，為佢近日既忙碌帶來一晚放假氣氛。餐牌設計又係非常抵死，食物名改得特別，另外第一頁寫「比上不足，比下有餘」，夠曬「謙虛」。連碟都係自己設計，印上英女皇正面，真係別出心裁。首先上菜既係平凡到無得再平凡既炸洋蔥圈。雖然賣相平凡，但炸醬幾出色，唔會覺得好粉。而且仍然食列洋蔥嘅甜味。千島醬軟殻蟹比蕯賣相吸引，成隻軟殼蟹放係簿餅上面，軟殼蟹炸得酥脆，加左菠蘿令整體無咁膩。自己亦非常喜歡薯蓉簿餅底。都幾辣的泰式打拋豬烏冬真係幾辣，而辣勁特別持久。烏冬彈牙，肉碎超多，用山菜包住肉碎一齊食超正。香港人生活節奏咁快，Mamaday可以放鬆自己心情，笑一笑，世界更美妙。😂