Amour Garden Grill & Bar (Closed)

星期三同朋友出黎輕鬆一下，解下工作上既壓力。揀左呢間樓上既西餐廳食飯傾下計。餐廳有飛鏢可以玩下，整個環佈置到好有萬聖郵既氣氛，可以稍為忘記工作既壓力。我地叫左個二人套餐加$88叫埋6PCS生蠔。煙三文魚田園沙律三文魚好重煙燻味，蔬菜十分新鮮，沙律醬酸酸地好開胃，不自覺就食完。生蠔生蠔都幾肥美，海水味十分重，可知道生蠔都幾新鮮，入口十分CREAMY，喜歡生蠔既朋友可以一試。黑松露海蝦意大利飯黑松露為呢個菜式增加了很多分，味道十分濃郁。飯煮得岩岩好唔會太硬或太軟，而且每一粒飯都被醬汁包圍唔會有某部份無味道。 海蝦烤得外有炭燒味，肉質就維持有彈怔，整個配合都十分好。香煎龍脷柳配薯菜龍脷柳十分入口，煎得外層好香脆，而且份量十分多，十分抵食。唯一有差少少既係肉有D鬆，如果魚既肉質更結實會更加好，整體黎講都十分好。菠蘿橙SMOOTHIES味道酸酸甜甜咁十分清新，菠蘿橙既冰飲落十分清涼。芒果檸檬YOURT芒果檸檬出奇地配合，YOGURT做得十分幼滑，而且不會太甜，飲完都唔會太膩。木糠布甸最後到甜品木糠布甸，一層厚厚既木糠，布甸甜度剛好，食完一餐飯後再食呢個甜品十分滿足。