泰屋 (東成里) (Closed)

lunch set抵食，幾十蚊一個粉/飯套餐包飲品，可加錢upgrade特色飲品。魚、咖喱薄餅、菠蘿飯是另外散叫的。🥢焗原個菠蘿飯$108：用料夠，炒得乾身，好味。大蝦/魷魚甜汁好味過其他地方。🥢明爐烏頭$178：中規中矩，如果可以微辣會更有風味。🥢咖喱雞配薄餅：汁OK，雞如果能去骨更好可直接夾在薄餅內。🥢Pad Thai $5x：層次豐富用料多，lunch set價錢超值。🚗博愛醫院對面，易搵。最欣賞可以免費任泊車。🌺小木屋resort feel。首選室外用餐，但座位有限最好預先訂座。環境蠻寬落的，食完可周圍散散步。碰巧當天下雨，室外位置馬上落膠簾，不怕滴雨🌧。🤵🏻‍♀️應該不是本地服務生，有異鄉風味。態度良好，需要什麼馬上送到。