叙滿庭 (Closed)

之前嚟過一次覺得敘滿庭啲菜式好啱我胃口，今日專登帶媽媽嚟試下，畢竟佢成日都話我凈喺顧著自己去wet都唔帶佢。今次一定要食到佢無聲出。豉油皇虎蝦，用豉油皇炒出嚟嘅蝦，特別入味，但係又唔會過咸，好味到連蝦殼都要吮埋。北京填鴨，半隻嘅份量，兩個人啱啱好，配埋青瓜、蔥同麵皮一齊食，香脆嘅鴨皮，加上鮮嫩多汁嘅鴨肉，一級棒吖！！！話明喺孜然牛肉，孜然味道特別香重，牛肉超多，呢份牛肉真係好抵食啦，牛肉炒得好嫩。一杯清涼飲品，藍天碧海。其實系藍莓汁加上菠蘿汁，酸甜好味。拔絲蘋果，爽口嘅蘋果口感同軟熟嘅拔絲外皮相融，形成外酥內爽口嘅口感。香甜好味。