Urban Bakery (Closed)

話說，我唔係貪平，而真係因為前公司同事屬中年人居多，好多都話唔鍾意食cake呀甜食等等，所以我先選擇買牛角包同puff做散水餅😂😂😂但我覺得真心高質，個個同事都讚呢類輕食又可以有咸甜選擇! 而且望到個盒已經覺得好文青啦哈哈! 我其實訂左3盒puff兩盒牛角酥，但我唔記得影相，食剩最後一盒先記得留影! 佢地全部都係mini版但都已經好大體，puff既話98蚊有12粒，可選3隻口味，我個陣呢盒好似係選，綠茶 ，忌廉， 朱古力，其實有得意d阿華田味，但已經俾人食晒😂😂😂而牛角包我買118蚊9件，冇得選味，但好似有杏仁片，朱古力面等等好幾款，但都係好快俾人掃晒。