鳥棲日本料理 (Closed)

觀塘廠廈新開的日本料理，位置方便又幾好坐，味道唔錯的。舖位唔算太大，但全場均是沙發位，都幾舒服。壽喜牛肉鍋 $128牛肉靚，蔬菜甜，滿滿一整鍋的餸菜，再加上甜甜的醬油湯底，就是好味的壽喜燒。滾起之後加隻生雞蛋，撈兩撈，簡直就是完美呀！牛肉食得出係靚牛靚部位，不是一般的肥牛，都算重本。有三種菇，粒粒都肥肥白白，好有菇味。醬燒茄子 $42日式醬汁，加上木魚絲，茄子已去皮，略略燒過，很juicy ，很入味。汁燒魷魚筒 $88原隻燒魷魚，夠厚肉、幾彈牙又唔韌，唔會乾，有口感好好食。燒雞翼 $30雞翼皮燒得幾脆，加上檸檬汁，好香口十分美味。只可惜雞翼細左D，肉不多，未算過癮。菠蘿乳酸梳打 $34鮮忌廉乳酪加上菠蘿味梳打，幾夠氣，有果香又唔會太甜，大杯又好飲 藍桔富士山 $35一球雪到實一實的雲呢拿雪糕，放在藍桔梳打上冰鎮住。當球雪糕半溶之際，成杯飲品真係幾似座富士山。仲有粒會變色的冰閃吓閃吓，係幾靚架～～