石亭居酒屋

Open Now

Now Closed

美人多邀約, 今晚又有靚仔約我出去食飯, 唔使比錢, 梗係應約啦~呢個係水晶菜，咬落去個質感好有趣，個賣相好得意，女孩子應該會好中意外面一粒粒既水粒物比想像中爽脆，但入面就水份充足，加上芝麻醬味道好好！個祼妝天婦羅都唔錯，撲上薄薄炸粉，口感一Ｄ都唔油膩，輕輕塗上三種海鹽，分別是抹茶味，柚子味同普通海鹽。而佢地並無為天婦羅調過味，喜歡食幾咸都可以自己調節。配以天婦羅中的海鮮，目光魚口感非常幼細，幾乎入口即溶。而花竹蝦則略略過火，有點太熟但味道上佳。另外既天婦羅鼓油侍應指應配合瓜菜類，他們的舞茸味道非常突出，令我以為自己食緊脆菇，而非天婦羅，因為佢完全把油味蓋過，好＂索＂！至於南瓜同秋葵亦同樣保留不少的原汁，口感豐富。蟹膏壽司食得多，蝦膏壽司反而比較少。蝦的鮮味比較蟹突出，冇蟹膏咁搶，但比較彈牙，趁著紫菜未稔快快吃！這支酒只有８度，唔重酒精味，聽聞是日本葡萄和ＳＡＫＥ釀成，口感清新，真係好岩女仔飲！