必勝客 (Moved) New Location

今日約了朋友喺馬鞍山新港城小聚一下，大家少年嘅時候經常去Pizza Hut，所以毫不猶豫地入去食一餐午飯懷念下。內裏裝修整潔衛生，而且枱與枱之間都有段距離，我哋叫了一個飯、一個長通粉及一個Pizza。意式雞皇飯這個飯有超多白汁，雞肉唔削。芝士菠菜蘑菇長通粉撥開啲汁就見到好多菠菜，幾乎三份一碟都係菠菜，有幾粒車厘茄，建議白汁再加多點芝士就會更「芝味」，否則就似白汁多啲。芝味誘惑香濃茄醬薄批 芝士味道的確好濃郁，加埋香濃茄醬，芝士同蕃茄素來都係好拍檔。今次選了薄批底，批底比較「林」，我覺得有點美中不足，建議批底可以香脆一點就好了。