Antoshimo Cafe & Bakery (Closed)

係朗豪坊行到有D攰，想搵個地方坐下食D小食甘。跟住見到呢間野都幾多人等，加上見到店鋪嘅裝修好日式嘅感覺，下午時間仲有下午茶套餐添，所以就黎試下。店鋪明顯人手不足，在場先係得兩個人，其中一個仲要負責埋等位叫號添，所以就算有吉台，都未有人得閒去整理，叫號相對比較緩慢。就算去到點餐，都要叫咗幾次先有人黎，人手方面真係要改善下。講翻食物方面，店鋪最推薦亦話係最出名嘅就係炸包，一共有4款口味，今次就試咗芝麻味嘅，要咗個下午茶二人餐，入面有一個炸包，一份薯條，雞翼同沙律，同兩杯飲料。炸包味道幾好，食落都好香芝麻味，口感食落幾特別。薯條方面就醬比較少，沙律份量比較少，沙律醬係用醋，所以唔會太膩，雞翼份量真係少，餐牌寫住4件嘅份量，點知上黎之後原來係張一隻雞翼切開一半，其實即係得兩件，如果係甘直接係一對仲冇甘嬲。