Video
Read full review
2016-05-01
1086 views
《 No.5 Italian 》和小學舊同學敍舊，眨下眼，原來已畢業左好多好多年😳歲月果然無情！在我要求下，舊同學好好人地搵左一間人氣米芝蓮餐廳食意大利菜😊餐廳都幾多人，氣氛不錯，雖然我地坐的位置會比較偏，侍應唔經過都見我地唔到，但果個位都幾好，聚舊一流容易傾偈😁餐前麵包屬自家製，口感幾好，但我地都好疑惑，見op啲食評，人人都係有2款麵包食，但我地得一款既？😞btw 黑松露牛油好正，好香仲好硬，可惜麵包唔熱，搽完唔溶，味道自然扣分唔夠突出，但真心幾好食其中印象比較深刻好味莫過於「海膽忌廉汁手造意大利濶麵」😁馬糞海膽配上creamy嘅忌廉汁手造意大利濶麵，然後再豪氣地撈匀海膽一齊食，海膽溶化於忌廉汁上再均勻地佈滿在毎一條麵上，感覺實在唔錯😊😊呢個組合想輸都難，所以係無得輸既，係好味既！👏🏻👏🏻再有機會食的話，我都會再叫☺️但我覺得海膽份量好似有啲隨機...明明上網睇人地個個食既海膽份量都係好多架🙈同埋意粉份量有啲少，想食多啲都無，證明幾好食到我想食多啲😝😝哈哈呢間餐廳最大賣點，就係標榜的是手造意粉😬首先我想講，意粉絕對唔難食😌但以手造而言，呢間既意粉質感就只屬普通，煙韌口感略欠奉，亦煮不到
和小學舊同學敍舊，眨下眼，原來已畢業左好多好多年😳歲月果然無情！在我要求下，舊同學好好人地搵左一間人氣米芝蓮餐廳食意大利菜😊餐廳都幾多人，氣氛不錯，雖然我地坐的位置會比較偏，侍應唔經過都見我地唔到，但果個位都幾好，聚舊一流容易傾偈😁
餐前麵包屬自家製，口感幾好，但我地都好疑惑，見op啲食評，人人都係有2款麵包食，但我地得一款既？😞btw 黑松露牛油好正，好香仲好硬，可惜麵包唔熱，搽完唔溶，味道自然扣分唔夠突出，但真心幾好食
其中印象比較深刻好味莫過於「海膽忌廉汁手造意大利濶麵」😁馬糞海膽配上creamy嘅忌廉汁手造意大利濶麵，然後再豪氣地撈匀海膽一齊食，海膽溶化於忌廉汁上再均勻地佈滿在毎一條麵上，感覺實在唔錯😊😊呢個組合想輸都難，所以係無得輸既，係好味既！👏🏻👏🏻再有機會食的話，我都會再叫☺️但我覺得海膽份量好似有啲隨機...明明上網睇人地個個食既海膽份量都係好多架🙈同埋意粉份量有啲少，想食多啲都無，證明幾好食到我想食多啲😝😝哈哈呢間餐廳最大賣點，就係標榜的是手造意粉😬首先我想講，意粉絕對唔難食😌但以手造而言，呢間既意粉質感就只屬普通，煙韌口感略欠奉，亦煮不到 Al Dente 的口感😶😶勝在烹調時間適中，配料+醬汁美味，故也不失為一道令人想一食再食既pasta呢
白松露西班牙黑毛豬多士 多士屬自家製，選用左白麵包既包心，上面放有白松露和火腿，伴以火箭菜。多士屬淺烘焙，使其口感唔錯，香脆中帶軟熟😋😋黑毛豬火腿相當惹味，咸香不錯，愈食愈想食～～可惜份量極少！😭😭而且白松露香好薄弱，唔太突出呢，略感可惜😔而且此為前菜，份量屬少，只適合2-3人享用（識食一定一個人享用😎）否則就到喉唔到肺，食得唔過癮😊 ·
整體而言，細份又略貴，但好味啊
Post
