Ssoja Toast & Hotdog (逸東酒店) (Closed)

經過逸東酒店先知原來佢地有個咁大既food court 見到呢間韓式多士店 又唔係主流既Issac toast就買左個外賣試下。我就叫左韓式火腿多士，味道偏酸酸甜甜，唔會差過Issac toast。👌多士主要係厚切火腿扒加粟米奄列、芝士、椰菜絲等等食材簡單但係層次分明，不過不失，做輕小食一流不過如果多士想cut開一半方便食既話，記住落單個陣就要講喇。因為我漏左講，食既時候都相當手忙腳亂😂酒店配套麻麻地，冇飲用水提供，向側邊推車仔既姐姐問路都係十問九唔應。