新泉發潮州飯店

Open Now

Now Closed

放工6點幾同老公想打冷嚟左新泉發，記得數年前幫襯過，不過無咩印象。時間尚早，只有一枱客唔使等。講下環境，d位幾濶落，唔會坐得好迫，冷氣夠涼，地方都乾淨企理。招呼我地既係一個後生既哥哥仔，講野有禮，都有推介下我地叫咩咁。兩個人叫左3個餸：墨魚，蠔餅同炒蜆；一個白飯，一個潮州粥；一罐汽水。墨魚：好味，彈牙，好入味，碟頭都唔細，而且放底既芽菜好好味。蠔餅：唔算大碟，唔知點解有少少偏濕（？），好在粒粒蠔仔都大大粒，都ok，但唔算必點菜色。避風塘炒蜆：哥哥仔侍應一上就話，你地好彩，今日d蜆好大隻好靚。一睇，又真係喎，隻隻都大，飽滿有肉，最難得無好多時食炒蜆既慘況：殻炒殻! 味道不錯好香蒜味，辣辣地，好好送飯，再嚟一定再叫。（相片唔好意思唔小心delete左，得返墨魚果張）兩個人三個餸飽到不得了，埋單23x, 我地都覺得味道不錯價錢合理，可以再嚟幫襯。