Amazake (Closed)

好耐都未食過放題啦，朋友介紹左呢間位於中環既日式放題，星期六日/公眾假期午餐既價錢$290；小朋友$150～食足兩個鐘👍🏻🥢食物🥢前菜：章魚小丸子/可樂餅/豚肉餃子等等～我就食咗炸蠔✨脆漿唔會好厚，咬落去脆卜卜，蠔都好juicy❗️卷物：加州卷/鰻魚牛油果卷/松葉蟹卷等等…我就比較鍾意食吞拿魚腩碎卷😋串燒：Size俾我想像中大😳唔似係放題細細串嗰啲，除咗有雞翼/冬菇/雞腎之外…..仲有五花腩🐮小青椒🫑/粟米🌽/雞軟骨🐔都唔錯沙津：薄切牛肉沙律🥗估唔到個份量咁多😳胡麻醬加牛肉好開胃，蔬菜都好新鮮～刺身：帶子大粒厚肉，甜蝦鮮味大隻，仲有三文魚子/油甘魚/三文魚選擇❗️飯或烏冬：總共有九款，試左稻庭烏冬（冷/熱有牛肉）烏冬幾滑，點埋嗰汁就更好食😋仲有主菜/甜品/湯物，整體來講都都算唔錯，多選擇✨另外任飲飲品可加$80（汽水/果汁）或$180（清酒/紅白酒/啤酒）💥環境💥好有日本feel既感覺，特別卡位隔離放左大壁畫好特別，連天花板都見到有落心機做裝飾👍🏻💥服務💥服務我哋嘅應該係日本人？佢個樣似又唔識講中文😂佢都好好禮貌，同埋啲嘢食都幾快到，唔怕兩個鐘頭唔夠時間食！