泰苑 (新墟村)

Open Now

Now Closed

好耐、好耐無寫過食評，尤其平台被人濫用，越高分既舖頭越難食，中伏太多。。。今次係食完先至決定寫，所以菜式照片欠奉。最先上既係馬拉盞炒芥蘭，有少少辣，但連小朋友都食得到，真係好微辣，正常口味，唔算油膩。泰式串燒，感覺同去BBQ落左蜜糖咁，少少偏甜，絕對適合小朋友口味，整體味道、肉質、份量都係中上。然後到咖哩炒軟殼蟹，依個係驚喜之作，咖哩味唔算好濃好香，但好襟食，食極都唔厭，空口食都唔覺滯口，食完仲要傾要唔要打包剩左既咖哩返屋企撈其他野食。雞翼，我覺得唔入味，但佢造得到外面脆口，入面好juicy，有肉汁流出黎，我已經收晒貨。薄餅，我本身唔係好鍾意，唔係好識評，睇住佢整已經加分，二來又脆又軟，加上咖哩，配搭真係好好。中後期仲點左一杯芒果沙冰，沙冰唔算好幼細，但就無出現大粒到塞住飲管口既情，甜度啱啱好，因為偏淡味，又係好襟飲，就係要小心太凍。食完返到屋企，都無話要灌水，味精唔算多。一個月前去九龍城食完泰國菜，排左成個鐘先至有位，但味道無驚喜，確實味重，但唔襟食，唔會有食完想再食既感覺，叫左餐飲，一出舖頭都仲要即刻去便利店買野飲，完全無意慾想再去食，但依一間泰國菜真係值得再幫襯，雖然價錢係有少少