Cow Bean (TKO Gateway) (Closed)

有朋友之前食過憑收據星期一至五可以送小食，咁啱我又想試，所以嚟呢度食晏。餐廳格調年輕，座位舒適，扒類質素唔錯。盒子紐西蘭肉眼牛扒，有牛味肉汁豐富，粉嫩嘅顏色好吸引，配菜都好新鮮。紐西蘭羊扒紅酒燒汁，羊扒一啲都唔騷，肉質嫩，好味。紅酒汁燴牛脷香草庵列飯，兩塊好大嘅牛脷，夠淋夠鬆軟，飯都好味。唐揚炸雞粒意大利飯，雞粒唔鞋，飯比較軟，對我嚟講啱啱好，但味偏淡。日式醬油海帶元貝仔鮮蝦意粉都唔錯，無驚喜。憑收據星期五送芝味芝士薯仔一客，好脆，黑松露味配芝士醬好好味。加$10有一份餐湯及餐包，呢個係忌廉蘑菇忌廉湯。