Video
Read full review
2008-09-14
4 views
中秋提早左兩星期做節, 上星期日去左呢間老字號, 諗住食水準唔食裝修.book 左8點, 等左十二分鐘就有檯, 算係咁喇! 冇book檯就一定冇,佢講明嘅!我地9位, 叫左個$11xx 套餐. 有:賽螃蟹 – 不過不失, 大碟夾抵食.冷盤三寶(醉雞、海蜇及熏蹄) - 海蜇爽脆, 熏蹄香軟, 不錯.北京填鴨 – 雖然肉比皮多, 但正合我地注重健康一族, 而且皮下沒有脂肪, 省卻不少我的起肥工夫! 所提供的餅皮同配料份量亦足, 侍應叔叔仲成日話唔夠可以再比添! 松子魚 – 好好味, 就算淋上左汁都好好好脆, 我減肥都食左兩件! (罪過)火腿津白 – 鮮甜, 夠淋.豉椒鱔片 – 本來套餐餐牌寫係 “油爆鱔片”, 但我怕肥, 問侍應叔叔可唔可以改, 佢好快咁應承左我, 唔會好似其他酒樓咁話要check check, 真係有效率! 可惜, 碟豉椒鱔片真係好油, 個碟底餘下d 油可以炒多碟菜, 所以食唔晒! 蝦球西芹腰果 - 蝦球又大又爽, 腰果又脆. 砂鍋雲吞雞 – 等左成餐飯, 最尾先來飲湯, 大家都飽晒. 不過, 個湯好鮮甜, 最驚喜係d 雞肉依然好滑, 我都食左唔少! d 雲吞就普通啦.
book 左8點, 等左十二分鐘就有檯, 算係咁喇! 冇book檯就一定冇,佢講明嘅!
我地9位, 叫左個$11xx 套餐. 有:
賽螃蟹 – 不過不失, 大碟夾抵食.
冷盤三寶(醉雞、海蜇及熏蹄) - 海蜇爽脆, 熏蹄香軟, 不錯.
北京填鴨 – 雖然肉比皮多, 但正合我地注重健康一族, 而且皮下沒有脂肪, 省卻不少我的起肥工夫! 所提供的餅皮同配料份量亦足, 侍應叔叔仲成日話唔夠可以再比添!
松子魚 – 好好味, 就算淋上左汁都好好好脆, 我減肥都食左兩件! (罪過)
火腿津白 – 鮮甜, 夠淋.
豉椒鱔片 – 本來套餐餐牌寫係 “油爆鱔片”, 但我怕肥, 問侍應叔叔可唔可以改, 佢好快咁應承左我, 唔會好似其他酒樓咁話要check check, 真係有效率! 可惜, 碟豉椒鱔片真係好油, 個碟底餘下d 油可以炒多碟菜, 所以食唔晒!
蝦球西芹腰果 - 蝦球又大又爽, 腰果又脆.
砂鍋雲吞雞 – 等左成餐飯, 最尾先來飲湯, 大家都飽晒. 不過, 個湯好鮮甜, 最驚喜係d 雞肉依然好滑, 我都食左唔少! d 雲吞就普通啦.
北京炒麵 – 太飽冇食, 打包走!
高力豆沙 – 呢個就係我話埋門一腳嘅敗筆喇!! 大家留住肚等呢個甜品, 但居然係唔熱嘅!!!! 好失望!! 我地只食左3-4個, 反映比侍應叔叔時, 佢都好有禮貌say sorry, 又話如果一陣廚房整開再補番比我地. 但係, 最後我地都冇食, 因為都尾聲喇, 仲唔埋單咩, 唔通為左個高力豆沙而磨爛蓆咩!
最後, 埋單超出預算, 成$15xx. (我地另外叫左幾碗飯同幾支汽水一支牌酒)
其實, 佢d 碟頭都幾大, 下次唔好怕煩, 揀下散餐先!
下次? 都值得再光顧嘅! 個侍應叔叔招呼又幾好, 希望下次個高力豆沙係新鮮整架啦!
Post