旦王花 - 泰越鍾情

Open Now

Now Closed

依間都幾得意嫁,入面帳篷既位,中間就有玻璃屋，就係一個室內既位置。都幾正個感覺,可以一邊睇住D海鮮見岩就可以即刻落order，仲有唔同既煮法同配搭。首先就叫一個馬拉棧桶蠔,桶蠔就當然比較細隻，食落就粉左少少，不過配料就有好足,咩椒都有、加埋洋蔥咁樣都幾香口,不過就唔太食到蠔既鮮味。之後就係一個紅咖喱雞,賣相幾靚,個咖喱汁顏色好深色，入面就有D泰式茄子，雞食落唔似出面食個D,有特別做法,不過唔係好識形容。叫咖哩當然要叫埋烤薄餅,用黎點咖喱汁真係一流既配搭，不過當然要趁熱食就最好味喇。最後睇中左個虎蝦,用左黎燒,都唔錯嫁,夠哂新鮮,蝦肉好結實而且蝦頭D膏好飽滿,燒得幾惹味,點埋汁食,正。當然要飲埋個椰青先走人,夠哂大,又多汁非常清甜，椰肉好厚，食完咁濃既野飲岩哂。