Video
Read full review
2007-07-19
1 views
睇到呢間餐廳的食評咁好,適逢朋友的生日,儘管去試試看吧!我地點左幼麵線捲大蝦、泰式拉盤(大)、紅咖喱海鮮麵包、菠蘿炒飯同明爐魚。我地果晚book左1930,去到就即刻有位喇,侍應們都好好笑容有禮貌,服務中上,食物的賣相好好,但味道就一般。要讚的係整明爐魚時廚師的細心,起晒骨方便客人享用。而紅咖哩海鮮麵包果個就麻麻喇,因為D海鮮煮得太老喇,魷魚好”un”,海鮮又無咩鮮味。拼盤的魚餅、蝦餅我又覺得無食評寫的咁好,兩者都比教硬身而無彈口的口感,春卷皮都係好”un”、好多油,但一個個細三角的咖喱角又值得一讚,一啖一顆又唔油,唔錯唔錯。幼麵線捲大蝦得個樣,配沙律醬同甜酸醬,食落都無咩特別。最後就係菠蘿炒飯,有別於其他泰菜用原個菠蘿上,飯係好淺的黃飯,唔知有無特別製法呀,但菠蘿炒飯通常都係有海鮮做配料的,但呢度的菠蘿炒飯就無囉,有d臘腸粒、菠蘿粒咁,上菜時就有肉髮、腰果粒同1隻大蝦伴碟。我諗貴就貴在呢隻蝦卦,抵唔抵就見人見智喇。此外,當晚我地將檯係正正對住個大大的plasma,當晚係做star movie的節目,節目播咩佢地無可能選擇到,但至少個經理見到個節目有問題都曉轉台卦…果晚係做緊套好核突的
儘管去試試看吧!
我地點左幼麵線捲大蝦、泰式拉盤(大)、
紅咖喱海鮮麵包、菠蘿炒飯同明爐魚。
我地果晚book左1930,去到就即刻有位喇,
侍應們都好好笑容有禮貌,服務中上,
食物的賣相好好,但味道就一般。
要讚的係整明爐魚時廚師的細心,
起晒骨方便客人享用。
而紅咖哩海鮮麵包果個就麻麻喇,
因為D海鮮煮得太老喇,
魷魚好”un”,海鮮又無咩鮮味。
拼盤的魚餅、蝦餅我又覺得無食評寫的咁好,
兩者都比教硬身而無彈口的口感,
春卷皮都係好”un”、好多油,
但一個個細三角的咖喱角又值得一讚,
一啖一顆又唔油,唔錯唔錯。
幼麵線捲大蝦得個樣,配沙律醬同甜酸醬,
食落都無咩特別。
最後就係菠蘿炒飯,有別於其他泰菜用原個菠蘿上,
飯係好淺的黃飯,唔知有無特別製法呀,
但菠蘿炒飯通常都係有海鮮做配料的,
但呢度的菠蘿炒飯就無囉,
有d臘腸粒、菠蘿粒咁,
上菜時就有肉髮、腰果粒同1隻大蝦伴碟。
我諗貴就貴在呢隻蝦卦,抵唔抵就見人見智喇。
此外,當晚我地將檯係正正對住個大大的plasma,
當晚係做star movie的節目,
節目播咩佢地無可能選擇到,
但至少個經理見到個節目有問題都曉轉台卦…
果晚係做緊套好核突的搞笑西片,
D劇情講抽脂呀…肥婆露T-back之類,
仲有好多好噁心的鏡頭,
加上大大個plasma的關係,
我地都唔識分係好事定唔好事喇,
真係大大影響到我地的食慾囉…
可能係我奄占啦,但我都係分享下我的經歷姐...^.^
Post