4號烤吧 (Closed)

星期日8:00在太和站附近食dinner，等咗2張枱大約15分鐘就有位。我們2個人被安排坐咗在一個無煮食爐的位，不過無所謂因為想食串燒為主。雞泡魚乾$48勁大碟好抵食，不過沙律醬要問人先有，係偏乾既。燒豬腩肉$28係最最最好食，肥瘦脂肪恰到好處。最抵食係串燒拼盤$68，有4串肉（牛、雞、豬同唔知乜）、一口蕃薯仔、韮菜，營養好均衡又食到各款肉，同埋價錢係好便宜，建議可以叫2客，抵過散叫。燒秋葵係幾大條幾得意，食到尾會辣。辣度係一般偏辣，飲咗甘桔檸檬蜜桃茶1渣同水果茶1渣，再在自助位拎咗2杯熱水慢慢攤凍。結論：整體幾Ok，味道好，上菜速度快。