糖宮甜品專門店 (積信街)

Open Now

Now Closed

夜晚即興由科學園踩單車去大圍，梗係食返碗甜品先走。因為呢間評分高就揀咗呢間。整體而言，餐廳環境唔錯，食物賣相好，味道就視乎菜式同個人口味，仲可以見到貓仔。椰皇燉蛋白（熱）加配芋圓熱門菜色當然要試下，但椰皇燉蛋冇想像中咁好食，差啲食唔曬，不過都可能係我哋個人偏好問題。客觀嚟講，除咗燉蛋之外，仲可以刮埋椰皇側邊啲果肉嚟食，係幾正嘅。芋圓好味，推薦！（老實講我個人鍾意芋圓多過椰皇燉蛋）朱古力心太軟加兩球雪糕（朱古力同芒果味）呢個就真係超級推薦！！心太軟好正，一切開，裏面即溶，而且朱古力味濃郁，又夠甜！配埋雪糕一流🤤雪糕就中等偏上，但整體而言心太軟令人十分滿意，絕對想再食~總結：椰皇燉蛋冇下次，但會想嚟再試下其他甜品，再食多次心太軟。