茂一茂 (Closed)

喺到荃灣開左一排嘅南豐紗廠 the mills, 自翻新開放後，比人既感覺同埋對象都比較偏向文青系既年青人，但原來除左充滿文化氣息既手工小店，呢到都有間係比較地道同平民既糖水鋪。今次機緣巧合地，喺附近開完會，已經差不多晚上十時。經過mills既壁畫小巷，見到竟然有間咁夜未關門既糖水店，加上天氣開始涼涼地，突然心血來潮去歎番碗熱辣辣既糖水。入到去，樓面唔算十分大，但由於算新，環境十分整潔，亦不見很多個人流。今次想食番碗較清潤，所以叫左碗桑寄生蓮子蛋茶，食落濃度和甜味都適中，唯隻蛋煮得有點過時，令食落既時候不耐鬆軟。整體黎講，喺咁文青既舒服環境下慢慢咁歎碗糖水算係幾寫意，但價錢方便相較同區其他糖水鋪就有點貴。