Video
Read full review
2021-06-30
603 views
一直都好想試文華東方既下午茶，之前見到4月既staycation package有包tea就即刻book左。文華有兩間餐廳可以食到Afternoon Tea，包括：快船廊及Cafe Causette。而今次酒店就安排左我地去Cafe Causette。依間餐廳環境寬闊，採光度十足，我地被安排坐窗邊位仲可以欣賞到中環街景～最值得一讚係店員既服務態度真係好好！原本我既package係包中式下午茶，但我誤以為訂左西式下午茶，店員就話唔啱食可以轉，仲即刻入廚房叫廚師安排。而且仲好主動逐台幫手影相，亦會揀好角度、執靚tea set位置先影相，服務真係好加分！✨ Mandarin Afternoon Tea♡ 鹹點❀ 車打芝士火腿三文治❀ 煙三文魚刁草忌廉裸麥三文治❀ 雞蛋沙律青瓜三文治❀ 烤牛肉辣根西洋菜三文治❀ 意式巴馬火腿番茄羅勒香蒜醬多士鹹點味道不過不失，當中最特別係另外分碟上既意式巴馬火腿番茄羅勒香蒜醬多士。多士烘得微熱又脆，parma ham鹹香味適中，配上清新既番茄羅勒香蒜醬可以中和火腿既鹹度。車打芝士火腿及雞蛋沙律青瓜三文治味道普普通通。煙三文魚刁草忌廉裸麥三文治既煙三文魚唔會太咸
✨ Mandarin Afternoon Tea
♡ 鹹點
❀ 車打芝士火腿三文治
❀ 煙三文魚刁草忌廉裸麥三文治
❀ 雞蛋沙律青瓜三文治
❀ 烤牛肉辣根西洋菜三文治
❀ 意式巴馬火腿番茄羅勒香蒜醬多士
鹹點味道不過不失，當中最特別係另外分碟上既意式巴馬火腿番茄羅勒香蒜醬多士。多士烘得微熱又脆，parma ham鹹香味適中，配上清新既番茄羅勒香蒜醬可以中和火腿既鹹度。車打芝士火腿及雞蛋沙律青瓜三文治味道普普通通。煙三文魚刁草忌廉裸麥三文治既煙三文魚唔會太咸，但裸麥麵包較乾。烤牛肉辣根西洋菜三文治款式較特別，但食落烤牛肉偏乾。對鹹點整體有點失望，全部都係三文治或多士會較膩，如果多d款式就好～
♡ 甜點
❀ 1963 文華芝士餅
❀ 士多啤梨開心果杏仁撻
❀ 法式66%黑朱古力蛋糕
❀ 芒果椰子慕絲
❀ 傳統鬆餅 & 提子鬆餅
（配玫瑰花果醬&牛油忌廉）
文華享負盛名既scone & cheesecake果然名不虛傳！影完一陣相，scone仲係微熱，牛油味香，外層鬆脆，內層鬆軟，食落唔會乾身及唔易碎。玫瑰花果醬酸酸甜甜，草莓味濃，散發出淡淡既玫瑰花香，清香又唔會太甜，而clotted cream質感輕身，奶香味重，兩款醬配埋scone食味道好夾。文華cheesecake口感輕盈，好軟滑，芝士味香濃又唔會太膩。而士多啤梨開心果杏仁撻味道都幾有驚喜，有香濃既開心果醬，加上酸酸甜甜既士多啤梨，唔會太甜。法式66%黑朱古力蛋糕有濃濃既朱古力味，食得好滿足，但食多幾啖會較膩。芒果椰子慕絲最上面係棉花糖，而下層就有芒果朱古力脆皮包住椰子慕絲，中間亦有一層有芒果果肉既芒果醬，味道幾清新
♡ Tea
❀ Ceylon Orange Pekoe
❀ Jasmine with Flowers
Ceylon Orange Pekoe飲落果味重，帶點酸味，好啱解膩。而Jasmine with Flowers茶味較重，帶點清香既茉莉花味
⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆
👅味道：⭐️⭐️⭐️💫
📸環境：⭐️⭐️⭐️⭐️
🤵服務：⭐️⭐️⭐️⭐️⭐️
💎CP值：⭐️⭐️⭐️💫
(5⭐️為最高分)
⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆
12 views
0 likes
0 comments
10 views
0 likes
0 comments
11 views
0 likes
0 comments
Post
