聚福樓 (Closed)

家住屯門的姐，幾年前已經知道聚福樓呢間cafe的存在，因為佢個名好中式（一般人會覺得是酒樓吧），但骨子裡賣的卻是懷舊文青風，連播放的音樂都是香港９０年代的流行曲。加上裝修運用對比色及磚牆，營造懷舊味道～吊燈吊扇都是充滿懷舊感＋田園小清新風，坦白說，影相係幾靚的！聚福樓大晒健康沙律$138呢度的菜式名都搞到好長，好好地一個明太子麵都搞到成１０個字以上，自己就唔係好識欣賞啦，同很大唷焗豬飯一樣咁無奈～沙律菜洗得夠乾淨加左d一咬即破爆珠落去，配搭的沙律醬亦係用果汁乳酪自製（應該是用莓類打出來的），味道酸酸甜甜之餘亦無一般的沙律醬咁肥，的確係健康！阿蝦話太子仔只喜歡天使的 $148再來猜謎遊戲（倦）.....即係明太子蝦天使麵，明太子份量都叫多可以撈晒成個麵，天使麵質感唔錯，蝦唔算彈牙，估計係雪藏的，整體不過不失啦～ 小豬仔好慢好慢咁去打排球 $228即係慢煮小豬排，一份大概有四條肋骨，豬排肉質嫩滑夠晒入味唔會油淋淋咁，墊底的是蕃薯條都保持到，好甜好脆所以秒速食晒！餐廳o係巷仔最入面，雖然旁邊都有其他食肆，但風格全不同，環境比較寧靜，以為日間先多人去Cafe？原來夜晚都可以full house