90s Lazy (先施大廈) (Closed)

呢間cafe勁文青feel,同出面個環境好唔夾，好似去左另一國度咁，而且坐位好鬆動，空間感唔錯，最可愛既地方係其他客人都好文青。我地點左一個懶人包（all day breakfast咁樣）同埋一個明太子海膽意粉，再叫多個bbq汁燒豬肋骨配薯條（半份）既小食。先黎個意粉，明太子汁好好味，意粉熟成剛剛好，仲有海膽鮮甜，配搭不錯。再黎個懶人包，突然覺得仲正過個意粉，賣相超吸引，仲好多野食，每樣份量少少，但友人話食完勁飽，因為真係好多野個豬肋骨有五枝骨咁多，仲好多薯條，以呢個價錢確實幾抵。食完仲可以慢慢歎，傾下計，客人好靜，閨蜜飯局傾計是不錯的選擇。