木玥巷

Open Now

Now Closed

話說有日同朋友聚餐想揀一間清幽啲地方食飯，呢間餐廳都係屯門區內一個唔錯既選擇。地點位置係新墟井財街附近，都唔算難揾。餐廳座位都坐得算舒服，咁岩好係萬聖節主題，裡面有好多萬聖節飾物，都幾得意。餐牌都幾多地道台灣菜式，選擇唔少。蟹肉明太子炒新竹米粉都夠鑊氣，啲米粉唔會一舊舊痴住，有淡淡的油香味。配料都幾多，食物質素都唔錯。因為想食清淡啲，叫左一份木玥雜錦蔬菜，白蘿蔔味道比較淡，甘荀煮得比較冧。如果嫌淡口得滯，有芝麻醬同甜酸醬俾你選擇。因為係萬聖節主題，水果叉真係好有趣，而且重點係杯招牌水果茶好大杯，目測杯身有手臂咁長，水果茶微甜，味道都唔錯。黑糖珍珠拿鐵味道不過不失，可以選擇甜度，茶味一般，反而奶味比較濃。總體黎講，如果唔趕時間想坐耐啲，呢間餐廳都係一個選擇，食物都OK。