Video
Read full review
2023-07-26
28 views
呢間Cafe喺差館上街嗰頭，同地鐵站都有返一段距離，望住更加多綠色嘅街景，環境比較幽靜，視野環境都舒服啲～餐廳裏面有啲壁畫，好色彩繽紛，有吧枱、室內同室外位置，光線十足，打卡影相都唔錯！Cafe主食同埋甜品都有，主要都係意粉同埋牛角包窩夫🧇，值得一讚嘅係佢嘅牛角包真係自家發酵烘焙，出到嚟香酥滿滿嘅牛油味🧈，超鬆軟！嗰日weekend lunch嚟到，個場都爆曬，小店人手又比較有限，所以上菜都要等耐少少～------------------------------🥗◖溫泉蛋三文魚無花果沙律◗ $98呢碗嘢色彩繽紛，好靚又健康！佢個溫泉蛋煮得半凝固，變咗糖心蛋咁樣，有兩大片三文魚同啲無花果做topping，食落都唔會覺得寡，沙律菜都交咗啲黑醋，甜甜酸酸地咁，幾清爽開胃！🥐◖All Day Breakfast◗ $138佢嘅全日套餐有黑松露炒蛋、蕃茄、牛角包、蘑菇、煙肉、香腸同沙律菜，全部嘢食嘅水準都幾平均，都整得幾好食！尤其鍾意入面嘅黑松露炒蛋，加咗牛奶又香又滑，同埋佢個牛角包一齊食，口感超正！🥨◖英式鬆餅配玫瑰蜂蜜堅果醬◗ $58可以試到兩款口味嘅鬆餅，揀咗原味同川寧伯爵茶味。配上
------------------------------
🥗◖溫泉蛋三文魚無花果沙律◗ $98
呢碗嘢色彩繽紛，好靚又健康！佢個溫泉蛋煮得半凝固，變咗糖心蛋咁樣，有兩大片三文魚同啲無花果做topping，食落都唔會覺得寡，沙律菜都交咗啲黑醋，甜甜酸酸地咁，幾清爽開胃！
🥐◖All Day Breakfast◗ $138
佢嘅全日套餐有黑松露炒蛋、蕃茄、牛角包、蘑菇、煙肉、香腸同沙律菜，全部嘢食嘅水準都幾平均，都整得幾好食！尤其鍾意入面嘅黑松露炒蛋，加咗牛奶又香又滑，同埋佢個牛角包一齊食，口感超正！
🥨◖英式鬆餅配玫瑰蜂蜜堅果醬◗ $58
可以試到兩款口味嘅鬆餅，揀咗原味同川寧伯爵茶味。配上自家製玫瑰蜂蜜堅果醬，唔太食到玫瑰嘅味道，食落去甜甜地又有少少堅果嘅脆口，口感唔錯～
🍵◖Matcha Latte◗ $40
抹茶同奶嘅比例啱啱好，上面有個靚靚嘅拉花，茶味甘香唔會苦澀，飲落去幾順喉～
🍊◖Elderflower and Grapefruit Soda◗ $58
放咗幾大片西柚喺裏面，好足料，西柚梳打好清新，有淡淡的接骨木花香，飲落又唔會太甜，幾清新解渴～
🌟 Encore指數：8.4/10
Post
