OneThird (Closed)

已經連續第四朝去左出job，為左要獎勵一下自己咁勤力，今朝做完野之後梗係要嘆返個靚早餐，餐廳位置就係鳳攸南街頭泰國野隔離，裝修帶簡約小清新文青風格，採取全落地玻璃設計，採光度充足，餐廳設有室內和室外座位，室內約10個座位，室內有一張檯和兩個位的bar檯，坐係bar檯可以望住入面整野食同沖咖啡，感覺好relax。早餐選擇唔算太多，我選左炒蛋配烤酸種麵包，配牛油果泥和維也納螺旋腸烤酸種麵包外脆內軟，炒蛋妹滑，牛油果泥好香，而維也納螺旋腸煎得香脆。餐飲加$20可選義式咖啡，點了cappuccino，這裡的咖啡師有一種堅持，就是希望沖一杯客人滿意的咖啡俾客人飲。