Niksen Koffie (Closed)

☕️好耐冇去Cafe放鬆吓啦，所以今日去咗位於黃埔一間Niksen Koffie嘆番個下午茶！呢間Cafe裝修文青風，座位寬敞，好適合情侶，或者朋友一齊過嚟喺度飲杯咖啡，食件cake輕鬆吓！我同朋友叫咗一份經典卡邦尼意粉、曰式和風章魚燒披薩、紐奥良炸雞翅配明太子蛋黃醬、士多啤梨乳酪抹茶芭菲同埋香印提子吉士撻。🍝經典卡邦尼意粉意粉煮得幾煙韌，奶油味非常濃郁，同時唔會好油膩，配上微咸煙肉碎，十分滋味！🐙曰式和風章魚燒披薩佢將平時食到嘅章魚燒嘅章魚鋪咗上Pizza上面，配上燒汁同木魚絲一齊食，感覺幾特別，值得一試！🐔紐奥良炸雞翅配明太子蛋黃醬雞翼炸得幾香脆，肉質鮮嫩juicy，配上香濃明太子蛋黃醬一齊食，別有一番風味！🍧士多啤梨乳酪抹茶芭菲呢個芭菲不得了，簡直係麻雀雖小，五藏俱全。入面有士多啤梨、拿破崙餅、雲呢拿雪糕、脆米、抹茶蒟蒻、麻糬同埋抹茶醬，每一啖口感都好豐富，唔會太甜，十分推薦！🍰香印提子吉士撻呢款香印提子吉士撻香氣非常濃郁，撻嘅外皮酥脆而內裡柔軟，充滿了滑順的芝士口感，配上清甜香印提子一齊食，簡直絕配！