Coffee or Tea (Closed)

觀塘裕民坊新落成嘅商場開咗之後 多咗好多餐廳 今日嚟咗呢間名叫Coffee or tea嘅餐廳食個lunch🙈餐廳走文青cafe路線 所以食物選擇唔算好多 主要分為麵包類 粉麵類同飯類 反而飲品就有好多款式啦🐷雲朵鹹牛肉蛋多士可以話係餐廳必點嘅菜式😆 基本上每檯都會叫份嚟打卡 蛋白堆砌成雲嘅形狀 再加埋上面嘅蛋黃 真係夠晒詩意 食落口蛋白部分都幾滑 但係整體味道唔算好特別 係打卡為主嘅一碟菜式📸牛油果蛋白三文治牛油果餡都幾多 夾雜咗蛋白增加咗啲口感🥑西式芝士奄列配多士芝士奄列生熟程度啱啱好 食得到芝士味 但見唔到拉絲 多士都夠脆 配奄列食都唔錯🍳焗豬扒飯呢個好有驚喜 豬扒係吉列豬扒 茄汁唔會太甜 配有蜜桃同鮮茄 飯底炒得好有蛋香 撈埋啲芝士 味道好夠 整體質素頗高🧀污糟奶味好香 每一啖都飲到唔同嘅層次🥛意大利泡沫咖啡睇見個拉花已經覺得會好飲 飲落口泡沫好順口☕️整體呢間咖啡店食物質素都幾高 最欣賞佢嘅焗豬扒飯 如果唔想食主食 入嚟飲杯野飲都唔錯㗎☺️