Video
Read full review
2017-12-18
110 views
終於踏入冬天了，前幾日係二十四節氣之一嘅「大雪」，過左呢日之後天氣終於涼返了，又係時候打邊爐了!我同老友去左旺角四季文昌食呢度最有人氣嘅「原味海南椰子文昌雞鍋」，天氣乾燥食椰子最適合不過，因為椰子有滋陰補腎、化痰潤肺、美容養顏嘅功效，好滋潤呢。未打邊爐之前，一定要先飲一碗椰子雞湯，又暖胃又滋潤。我地見有個套餐好抵，就一於先order呢個set先!冬日套餐($438/2-3人套餐) 原味椰子文昌雞 (半隻) 聖誕三文魚刺身 海南沙薑脆豬手 安格斯牛小排 (小) + 健康野菜籃 + 養生菇菌籃 + 日本稻庭烏冬 海南手工丸 臨近聖誕，冬日套餐原來仲有份精緻嘅聖誕禮物比食客!!朋友好鍾意食海鮮，所以我地再加多個蕃茄麵包蟹海鮮湯配精選海鮮拼盤(加配價$128)海鮮湯將整個鍋昇華到另一層次，愛爾蘭麵包蟹已經預先蒸熟再熬成湯頭。 海鮮嘅鮮，加埋椰子雞湯嘅甜，整個湯底嘅combination好有相輔相成嘅作用!無論淥海鮮定牛肉都無可挑剔呢!兩個大男人只食套餐一碟牛肉邊到夠呀?所以我地再加多碟和牛，呢度有日本或澳洲入口和牛，作為好牛者，當然知道山形A5和牛西冷($43
我同老友去左旺角四季文昌食呢度最有人氣嘅「原味海南椰子文昌雞鍋」，天氣乾燥食椰子最適合不過，因為椰子有滋陰補腎、化痰潤肺、美容養顏嘅功效，好滋潤呢。未打邊爐之前，一定要先飲一碗椰子雞湯，又暖胃又滋潤。
我地見有個套餐好抵，就一於先order呢個set先!
冬日套餐($438/2-3人套餐)
原味椰子文昌雞 (半隻)
聖誕三文魚刺身
海南沙薑脆豬手
安格斯牛小排 (小) + 健康野菜籃 + 養生菇菌籃 + 日本稻庭烏冬
海南手工丸
臨近聖誕，冬日套餐原來仲有份精緻嘅聖誕禮物比食客!!
朋友好鍾意食海鮮，所以我地再加多個蕃茄麵包蟹海鮮湯配精選海鮮拼盤(加配價$128)
海鮮湯將整個鍋昇華到另一層次，愛爾蘭麵包蟹已經預先蒸熟再熬成湯頭。 海鮮嘅鮮，加埋椰子雞湯嘅甜，整個湯底嘅combination好有相輔相成嘅作用!無論淥海鮮定牛肉都無可挑剔呢!
兩個大男人只食套餐一碟牛肉邊到夠呀?所以我地再加多碟和牛，呢度有日本或澳洲入口和牛，作為好牛者，當然知道山形A5和牛西冷($438)最正啦!
山形和牛顏色粉嫩粉嫩的，油脂超豐富，餐廳仲建議以Sukiyaki式食法，即係淥一淥牛肉後，點一點雞蛋同豉油黎食，嘩!霜降嘅和牛，肉質鬆軟，入口即溶，極速清晒成碟牛肉了!
飲品: 海南島($88) - 一杯混雜了荔枝同密瓜味 嘅cocktail drink! so refreshing!
呢度環境亦十分舒適，下次一於約多幾個人黎gathering下先!
Post
