木衛二鑄茶所 (怡和街) (Closed)

最近愛上咗一間文青小茶館 聽聞呢間鑄茶所茶底十分出色芝士奶蓋比起出面好多手搖茶飲店都要好重點係唔會覺得漏 試咗最出名嘅奶霜觀音 奶霜同一般講開嘅芝士奶蓋差唔多但比較滑個人認為冇咁重芝士味冇咁咸同漏奶味比較重 咁樣就唔會蓋過茶底嘅香味 有時覺得一般芝士奶蓋太重味會蓋咗茶本身嘅香味 而觀音茶底好清香唔會太澀 易入口 最最最重要係要加鐵觀音茶凍 加咗返唔到轉頭 因為真係太好味 完全將觀音茶嘅香味同濃味提升去咗另一個層次 茶凍有好濃嘅鐵觀音味仲加咗啲口 一啖飲晒奶霜茶同茶凍係一種享受 另外一提係收銀隔離一個唔起眼嘅角落有一樽樽小店沖茶底嘅茶葉俾客人可以先聞下揀岩自己嘅味先落單 係好貼心嘅小服務 推介推介！*另外都可以留意一下小店嘅黃色擺設同宣傳