Video
Read full review
2022-11-15
102 views
📍 Tagline Restaurant and Bar #tagged見OpenRice有個二人餐65折幾抵就訂咗位 不過訂位時間只有18:30或之前 同20:30或之後嘅時間上到去見到右邊係酒吧左邊門口係餐廳裝修真係幾靚！有少少文青風，枱面有盞燈仔幾有格調🤓服務員全部都係印度人同啲裝修有少少違和感😂（事關平時去過啲印度餐廳都係走樸素實用風㗎嘛）第一個服務員唔係好知我買個套餐係乜，要揾佢manager嚟，不過值得一提係佢所有服務員都好友善好自動自覺🫣而我哋食完個頭盤之後有一張近窗口大啲嘅枱，佢都主動叫我哋轉過去，真係好好🥰🫶🏻我哋叫嘅係經典印度風情燴雞二人餐！咩都未嚟之前會有一兜印度脆餅配薄荷醬/甜醬，作為開胃菜，的確係好唔錯，不過份量都好大🤣🤣蕃茄湯🍅上枱熱辣辣，好濃蕃茄味，有少少椰汁/忌廉喺面頭👍🏻湯有啲香料味係平時啲西湯無嘅😆自家品牌鬆脆沙律🥗有段小插曲：上菜之後我地淋咗醬開始食，食到差唔多一半，服務員俾咗一碟雞胸肉話廚房漏咗放落個沙律度😂本身好好奇佢個沙律點鬆脆法，原來係加咗啲炒過嘅花生 幾香仲有啲青瓜、牛油果、蠶豆，個醬就類似港式麻醬。加埋雞肉食落去口感同埋味道都好唔錯🤤烤
見OpenRice有個二人餐65折幾抵就訂咗位 不過訂位時間只有18:30或之前 同20:30或之後嘅時間
上到去見到右邊係酒吧左邊門口係餐廳
裝修真係幾靚！有少少文青風，枱面有盞燈仔幾有格調🤓
服務員全部都係印度人同啲裝修有少少違和感😂（事關平時去過啲印度餐廳都係走樸素實用風㗎嘛）
第一個服務員唔係好知我買個套餐係乜，要揾佢manager嚟，不過值得一提係佢所有服務員都好友善好自動自覺🫣
而我哋食完個頭盤之後有一張近窗口大啲嘅枱，佢都主動叫我哋轉過去，真係好好🥰🫶🏻
我哋叫嘅係經典印度風情燴雞二人餐！
咩都未嚟之前會有一兜印度脆餅配薄荷醬/甜醬，作為開胃菜，的確係好唔錯，不過份量都好大🤣🤣
蕃茄湯🍅
上枱熱辣辣，好濃蕃茄味，有少少椰汁/忌廉喺面頭👍🏻
湯有啲香料味係平時啲西湯無嘅😆
自家品牌鬆脆沙律🥗
有段小插曲：上菜之後我地淋咗醬開始食，食到差唔多一半，服務員俾咗一碟雞胸肉話廚房漏咗放落個沙律度😂
本身好好奇佢個沙律點鬆脆法，原來係加咗啲炒過嘅花生 幾香仲有啲青瓜、牛油果、蠶豆，個醬就類似港式麻醬。加埋雞肉食落去口感同埋味道都好唔錯🤤
烤雞肉串[阿拉伯香料醃製雞肉配三色甜椒] 🐥
呢個個樣望落就厄得下人，上菜時2支竹籤棟起俾你影咗相先，跟住會幫你夾返晒落嚟放喺沙律上面☺️
真係好香香料味，啲雞肉勁厚，不過佢本身無乜味道要點隔離有少少似奶油mix沙律醬嘅汁🤔 但係去到呢度，我地已經有啲飽😀😀😀😀
牛油燴咖喱雞[印度黑扁豆和各種香料配以豊富奶油和牛油煮熟] 🥘
雞肉照樣勁厚肉，啲汁又咸又香勁啱撈飯食！而且佢係好香又唔辣🥰
印度馬薩拉煮蝦(中辣)[大蝦用傳統印度肉汁和香草香料混合烹製]🦐
啲蝦都幾大隻，咬落去有質感。個汁真係有啲辣同埋少啲咸味，不過就唔算話有好多隻蝦，食完會整返成兜醬料😂
松露蒜蓉烤餅🫓
佢係2款烤餅嚟，一款係黑松靈 一款係蒜香。每款3-4塊仲要勁厚！上菜仲係熱辣辣，吃落去脆脆地中間就軟嘅，係算係近期食過好味嘅烤餅，不過食多2塊就飽咗啦🫣
藏紅花印花香米🍚
其實就仲有一個飯嘅，不過當日我哋好飽就冇特別試到有啲咩味，但係記得食落口感都係唔錯，粒粒分明㗎！👍🏻
噝噝作響的布朗尼🍫
最驚喜嘅應該係呢個首先個名就幾好笑😃
佢上菜嗰時係用鐵板上，brownie上面係球雪糕。然後佢
比我地想像中大火，我地都哇咗出聲，全間鋪都望晒過嚟，場面都幾好笑😂😂😂
Brownie包住咗好多果仁再加埋佢少少燶邊，咬落勁脆😋
唔算太甜，同埋無乜酒味，不過就好濃朱古力味👍🏻
最尾埋單要補返100蚊服務費。其實呢個餐係3個人先食得晒，我地都打包咗接近一半嘅剩菜🙈
我諗如果唔係有套餐叫一半嘅菜式都夠晒飽🙊
不過整體嘅食物、環境氣氛、服務都好好，值得一試！🥳
Post
