舒房 (Closed)

去開北角，搵朋友食個lunch，呢間鋪頭都唔易搵，係一個角落的斜路度，真係仔細望先見到。鋪頭室外有幾張檯，有瓦遮頭，而牆邊掛左d花係度，加上鋪頭的牆以淺藍色為主題，成個感覺好文青，好小清新！仲有本guestbook俾顧客留言架！我地兩個人叫左lunch set,分別係pasta of the day同埋煙三文魚麥包，再配左latte!煙三文魚麥包我好鍾意，配左火箭菜，cream cheese同埋蕃茄！所以唔會覺得咁大塊煙三文魚好滯，有少少酸味中和，仲有d fresh感覺！而麥包好鬆軟！好好食！Pasta of the day係黑松露雜菌意粉，份量唔多，所以唔怕個汁令到自己好滯！而且意粉軟硬度剛好！菌味都好濃！值得一試！咖啡無苦澀味，相信應該係靚豆，如果用hand drip沖做精品咖啡應該唔錯。