三喜家 (Closed)

聽過d人介紹呢間花甜果室好多次，最早期就係聽d去左台灣嘅人介紹，原來早排佢已經開到去尖沙咀。今日喺呢邊食開野，就決定飲埋。佢呢個位話難搵又唔係，話易搵又唔係。要小心，不時有車經過。鋪面好靚，好有文青感，簡單白色裝修，用左d植物，水果裝飾，仲有props俾人拎住影相，果然係台灣野。佢地個menu分成果汁，奶昔同沙冰類，每款都有唔同配搭，價錢就大約廿零三十蚊杯。都ok呀，話哂都係新鮮水果做嘅。星期六來到都有少量客人喺度等緊飲品，不過佢地都製作得幾快，唔洗等好耐。我地揀左兩杯應該係幾特別，睇番唔算好多人點掛。因為比起其他好少女嘅飲品，我呢兩杯就比較平實，但平實得來，好有內涵架。店員好有心，每杯都寫上簡單字句，天灰灰見到心情都特別好。點左杯叫「一種接近失戀的滋味：櫻花淚」，個名好得意，飲左你就知點解哈哈，飲到好似失戀咁拿埋口面。成份有櫻花粒，裝飾作用；另外有檸檬perrier氣泡水同蜂蜜、果露，飲品係橙黃色，有少少漸層效果，最好撈一撈先飲，否則會好酸呢。鐘意飲酸野嘅人應該會like，同埋好冰涼，refreshing！嘿嘿芝麻甜蕉奶係灰灰地色，成份簡單，用香蕉、黑芝麻，鮮奶製成，入口有濃郁芝麻味