鐵板．壹

Open Now

Now Closed

🌿文青風日式鐵板燒💕餐廳裝潢恬靜簡約風，好有文青嘅風格，餐廳內外佈置都有一種寧靜，舒服嘅感覺，餐廳更有outdoor座位可以chill下，環境感覺滿分。🥰我哋今日試咗個虎蝦二人餐 $1880 佢有兩個餐，呢個係平啲嘅，試吓好唔好食下次可以再嚟試吓貴啲嗰個😆♡ ICHI TEPPANYAKI SET（for two） $1880✰海鮮沙律❥海鮮沙律有煙三文魚同埋蝦仁，蝦仁首先用鐵板燒熱咗先至放上去，沙律凱撒沙律汁同新鮮沙律菜。✰鐵板大蝦 龍蝦汁 ❥超大隻虎蝦，好鮮甜彈牙，用咗龍蝦汁做伴汁，鮮甜美味。✰鮑魚❥燒鮑魚非常新鮮仲郁緊，鮑魚好厚肉爽彈，加埋鮑魚肝做嘅醬汁好濃郁，非常好食！配菜係舞茸菇。✰銀鱈魚 ❥銀鱈魚好厚肉，而且好嫩滑，銀鱈魚嘅皮特登煎到好香脆好似薯片，加咗南瓜菠菜汁同埋雜菜伴碟。✰煙燻腦天❥呢個係餐廳signature嘅菜式，腦天係吞拿魚額頭，屬於稀少部位，好多人都係因為為呢個菜式而來，會用和稈草煙燻，放火嗰一刻要打卡，煙燻出嚟嘅腦天充滿油香，非常好食。最後夾埋生菜、紫蘇葉一齊食解油膩。✰美國牛肉薄燒❥加咗牛蒡漬捲住燒，呢種食法好特別，漬物有Wasabi、昆布漬、鹽漬昆布。