Labels Cafe + Bar (Closed)

荃灣南豐紗廠The Mills開幕以來，一直以全新文化藝術為主題，多地方設有不同藝術及畫作欣賞，有多間本地創作嘅精品店，成個地方都充滿工業風的文青打卡位。就連進駐的餐廳一樣充滿格調設計，特色文藝feel！今日我地去左Labels Cafe + Bar午餐，室內設計富創意及精緻，好多地方都可以打卡，落地大窗下，光線充足，環境好舒適，仲可以帶寵物添，好適合放假約返三五知己慢慢傾下，Relax下！餐廳主打Fusion菜，擺盤賣相，款款都好精美吸引，味道亦好唔錯！每款午餐主食都配有沙律，好適合健康人士！我地揀左 明太子帶子忌廉蘑菇意粉及是日沙律，明太子醬味道好香，帶子亦好新鮮，仲要好足料，大大隻！意粉同醬汁撈埋一齊，好有口感，亦好Creamy，有淡淡的香味，好有食慾。火箭菜帕爾馬火腿蘑菇比薩及是日沙律Pizza薄身餅底，香脆鬆軟，仲要勁多火箭菜，材料多，好俾貨，食到好飽肚！車打芝士蘑菇醬牛肉漢堡配薯角及是日沙律手工麵包外脆內軟，唔似坊間的空氣飽，好有麥香味。蘑菇醬加上車打芝士，配以厚實多汁的烤牛肉餅，口感豐富，味道正！