Video
Read full review
2022-09-09
1577 views
最近先得知「不籽是咖啡」登陸西營盤，其實好似都開咗一段時間🙈。朋友好少過九龍，所以之前未有機會一嚐，不過終於等到餐廳嚟港島喇。西營盤店門口比起油麻地店更打卡Able📸，即使天氣咁熱，都有客人選擇坐出去Chill，而店內環境就保持一貫小清新嘅風格，簡約舒服。餐廳嘅食物定價屬中等水平🍽，主菜平均一百蚊鬆啲，係大路Cafe價格。佢份量OK，而且賣相吸引。龍蝦湯配牛油果大蝦稻庭烏冬($128)，呢個係餐廳嘅首席招牌菜，相信有唔少人都係為佢而來。🦞龍蝦湯分開另上，咁就唔怕浸淋啲麵。熱湯裝喺茶壺入面，能夠保溫，但麵條始終無㷫住，所以要盡快食。龍蝦湯幾濃郁，而且加咗唔少蟹肉一齊熬煮，以添鮮香🦀。扁身烏冬口感彈牙，其他餸料包括大蝦、🥑牛油果、昆布同沙律菜等，頗豐富的。北海道干貝火龍果燉飯($148)，Risotto呈紫紅色💜，造型非常吸睛，佢嘅色素係來自天然食材：紅火龍果。除咗顏色之外，飯粒中仲混入打碎咗嘅果籽，感覺健康。🍚燉飯口感濕潤，但唔爛；而且份量好多，夠晒飽。帶子有兩大粒，係刺身級數，味道鮮甜；而爆漿蟹籽撈飯食亦都正。飲品方面🥤，我哋要咗熱情果高山茶($48)同Mojito Soda($55)
最近先得知「不籽是咖啡」登陸西營盤，其實好似都開咗一段時間🙈。朋友好少過九龍，所以之前未有機會一嚐，不過終於等到餐廳嚟港島喇。
西營盤店門口比起油麻地店更打卡Able📸，即使天氣咁熱，都有客人選擇坐出去Chill，而店內環境就保持一貫小清新嘅風格，簡約舒服。
餐廳嘅食物定價屬中等水平🍽，主菜平均一百蚊鬆啲，係大路Cafe價格。佢份量OK，而且賣相吸引。
龍蝦湯配牛油果大蝦稻庭烏冬($128)，呢個係餐廳嘅首席招牌菜，相信有唔少人都係為佢而來。🦞龍蝦湯分開另上，咁就唔怕浸淋啲麵。熱湯裝喺茶壺入面，能夠保溫，但麵條始終無㷫住，所以要盡快食。龍蝦湯幾濃郁，而且加咗唔少蟹肉一齊熬煮，以添鮮香🦀。扁身烏冬口感彈牙，其他餸料包括大蝦、🥑牛油果、昆布同沙律菜等，頗豐富的。
北海道干貝火龍果燉飯($148)，Risotto呈紫紅色💜，造型非常吸睛，佢嘅色素係來自天然食材：紅火龍果。除咗顏色之外，飯粒中仲混入打碎咗嘅果籽，感覺健康。🍚燉飯口感濕潤，但唔爛；而且份量好多，夠晒飽。帶子有兩大粒，係刺身級數，味道鮮甜；而爆漿蟹籽撈飯食亦都正。
飲品方面🥤，我哋要咗熱情果高山茶($48)同Mojito Soda($55)。本身以為水果茶會落糖漿好甜，點知又無，味道幾清香🍵。另外，Mojito無酒精，帶青檸同薄荷香，涼快消暑。
總括嚟講，西營盤又多一間文青Cafe🌿，我相信週末應該會好墟冚，因為平日夜晚都坐滿，不過留意返，佢都收得比較早，九點左右。題外話，餐廳附近一帶叫藝里坊，嚟開食嘢嘅不妨順便欣賞下啲牆畫🎨。
Post
